ഭ്രാന്തു പിടിപ്പിക്കുന്ന മൌനത്തെ
സ്വപ്നങ്ങളുടെ ചുരുട്ടില്‍ നിറച്ച്
ഏകാന്ത പര്‍വ്വങ്ങളിലേക്ക്
ഊതി വിടുന്ന പകലുകളെ
നിദ്രകള്‍ നുള്ളിയെടുത്ത്
ചിന്തകളുടെ കണ്ണുകെട്ടി
പേക്കിനാവുകളുടെ
കറുത്ത ചിപ്പിക്കുള്ളില്‍
താഴിട്ടടയ്ക്കുന്ന രാത്രികളെ
കാതടച്ചാര്‍ക്കുന്ന
ഏതോ ചാവുകടലിന്റെ നടുവിലേക്ക്
അപ്പൂപ്പന്‍താടി പോലെ
പറന്നിറങ്ങുന്ന മനസേ
പായല്‍ വീണ വഴുക്കന്‍ തീരങ്ങളില്‍
തെന്നി മറിയാത്ത തിരകളില്‍
സ്ഖലിച്ചു പോയ കിനാവിന്റെ
ഒരു തുള്ളിയില്‍
ജനിയറിയാതെ പോയ മുത്തേ
മൌനമുദ്രിതമായ
നോവിന്റെ അസ്ഥികള്‍
നീയെന്നിലെക്കൊഴുക്കാതെ
പുകഞ്ഞു തീരാത്ത സാന്ധ്യച്ചുവപ്പില്‍
നീന്തിക്കയറിയ സന്താപങ്ങളുടെ
കനലുകള്‍ വിളയുന്ന പാടത്തിനക്കരെ
കിഴക്ക് നാളെയൊരു ചെന്താമര വിരിയും
നോവുകളുടെ മഷിപ്പാത്രത്തില്‍ നിന്നും
കുടഞ്ഞു വീണ
നിറങ്ങളുടെ കടുപ്പം കുറയ്ക്കാന്‍
മഴവില്ലിന്‍ വര്‍ണ്ണ പത്രങ്ങള്‍
നേര്‍ത്ത ജാലകവിരികള്‍ ആവും
ഈ ഇരുട്ടിനപ്പുറം വെളിച്ചത്തിലേക്ക്
സ്നേഹ മസൃണമായ രാപ്പകലുകളുടെ
ഒരു ഒറ്റവാതില്‍ തുറന്നിട്ടുണ്ടെന്നു
സമാശ്വസിപ്പിച്ചുകൊണ്ടു നമുക്കിനി
ചിറകുകളുരുമ്മി പറക്കാം !!!
സ്വപ്നങ്ങളുടെ ചുരുട്ടില്‍ നിറച്ച്
ഏകാന്ത പര്‍വ്വങ്ങളിലേക്ക്
ഊതി വിടുന്ന പകലുകളെ
നിദ്രകള്‍ നുള്ളിയെടുത്ത്
ചിന്തകളുടെ കണ്ണുകെട്ടി
പേക്കിനാവുകളുടെ
കറുത്ത ചിപ്പിക്കുള്ളില്‍
താഴിട്ടടയ്ക്കുന്ന രാത്രികളെ
കാതടച്ചാര്‍ക്കുന്ന
ഏതോ ചാവുകടലിന്റെ നടുവിലേക്ക്
അപ്പൂപ്പന്‍താടി പോലെ
പറന്നിറങ്ങുന്ന മനസേ
പായല്‍ വീണ വഴുക്കന്‍ തീരങ്ങളില്‍
തെന്നി മറിയാത്ത തിരകളില്‍
സ്ഖലിച്ചു പോയ കിനാവിന്റെ
ഒരു തുള്ളിയില്‍
ജനിയറിയാതെ പോയ മുത്തേ
മൌനമുദ്രിതമായ
നോവിന്റെ അസ്ഥികള്‍
നീയെന്നിലെക്കൊഴുക്കാതെ
പുകഞ്ഞു തീരാത്ത സാന്ധ്യച്ചുവപ്പില്‍
നീന്തിക്കയറിയ സന്താപങ്ങളുടെ
കനലുകള്‍ വിളയുന്ന പാടത്തിനക്കരെ
കിഴക്ക് നാളെയൊരു ചെന്താമര വിരിയും
നോവുകളുടെ മഷിപ്പാത്രത്തില്‍ നിന്നും
കുടഞ്ഞു വീണ
നിറങ്ങളുടെ കടുപ്പം കുറയ്ക്കാന്‍
മഴവില്ലിന്‍ വര്‍ണ്ണ പത്രങ്ങള്‍
നേര്‍ത്ത ജാലകവിരികള്‍ ആവും
ഈ ഇരുട്ടിനപ്പുറം വെളിച്ചത്തിലേക്ക്
സ്നേഹ മസൃണമായ രാപ്പകലുകളുടെ
ഒരു ഒറ്റവാതില്‍ തുറന്നിട്ടുണ്ടെന്നു
സമാശ്വസിപ്പിച്ചുകൊണ്ടു നമുക്കിനി
ചിറകുകളുരുമ്മി പറക്കാം !!!
No comments:
Post a Comment