ശലഭങ്ങളുടെ താവളത്തില്‍
തളര്‍ന്നുറങ്ങുന്നുണ്ടൊരു കിനാവ്‌
നോവുകളുടെ ചേലയഴിച്ചു
പറന്നു പോകുന്നുണ്ടൊരു രോദനം
കൂട്ടം തെറ്റി അകന്ന
ദേശാടനക്കിളികളുടെ ചിറകൊച്ചകള്‍
പൊഴിച്ചിട്ടിട്ടുണ്ട്
ഈറന്‍ വയലെറ്റ് പൂക്കളുടെ
മന്ത്രണങ്ങള്‍
കൊക്കുകള്‍ക്കിടയില്‍
കുരുങ്ങി പോയൊരു
ചുംബനത്തിന്റെ മധുരം നുണയവേ
ഇലയനക്കങ്ങളില്‍ തലകറങ്ങി വീഴുന്നു
പറക്കമുറ്റാത്തൊരു അരിപ്രാവ്
മുറിവുകളുടെ അടയാളങ്ങളെ
മരങ്ങളില്‍
ചുരണ്ടി വെച്ചൊരു മരംകൊത്തി
നിലാവില്‍ കാച്ചിയെടുക്കുന്നു
ചുണ്ടുകളുടെ മൂര്‍ച്ച
മൌനത്തിന്റെ കരിയിലകളാല്‍
ഇരുട്ട് പരത്തുന്നു
തെക്കന്‍ കാറ്റ്
മറവിയുടെ പട്ടിട്ടു മൂടിയിനി
പുതപ്പിക്കാം ഇനിയെന്റെ
ഓര്‍മ്മകളുടെ സന്താനങ്ങളെ
ഉറങ്ങട്ടെ, ഉണരാതെ..
ഉണര്‍ത്താതെ !!!
തളര്‍ന്നുറങ്ങുന്നുണ്ടൊരു കിനാവ്‌
നോവുകളുടെ ചേലയഴിച്ചു
പറന്നു പോകുന്നുണ്ടൊരു രോദനം
കൂട്ടം തെറ്റി അകന്ന
ദേശാടനക്കിളികളുടെ ചിറകൊച്ചകള്‍
പൊഴിച്ചിട്ടിട്ടുണ്ട്
ഈറന്‍ വയലെറ്റ് പൂക്കളുടെ
മന്ത്രണങ്ങള്‍
കൊക്കുകള്‍ക്കിടയില്‍
കുരുങ്ങി പോയൊരു
ചുംബനത്തിന്റെ മധുരം നുണയവേ
ഇലയനക്കങ്ങളില്‍ തലകറങ്ങി വീഴുന്നു
പറക്കമുറ്റാത്തൊരു അരിപ്രാവ്
മുറിവുകളുടെ അടയാളങ്ങളെ
മരങ്ങളില്‍
ചുരണ്ടി വെച്ചൊരു മരംകൊത്തി
നിലാവില്‍ കാച്ചിയെടുക്കുന്നു
ചുണ്ടുകളുടെ മൂര്‍ച്ച
മൌനത്തിന്റെ കരിയിലകളാല്‍
ഇരുട്ട് പരത്തുന്നു
തെക്കന്‍ കാറ്റ്
മറവിയുടെ പട്ടിട്ടു മൂടിയിനി
പുതപ്പിക്കാം ഇനിയെന്റെ
ഓര്‍മ്മകളുടെ സന്താനങ്ങളെ
ഉറങ്ങട്ടെ, ഉണരാതെ..
ഉണര്‍ത്താതെ !!!
No comments:
Post a Comment